Ижтимоий тармоқларда банклар устав капитали миқдорини белгиланган минимал талабларга етказилиши бўйича чоп этилган хабарлар бўйича
“Madad Invest Bank” қуйидагиларни маълум қилади.

Бугунги кунда, “Madad Invest Bank” акциядорлик тижорат банки томонидан капитал монандлигини лозим даражада сақлаб турилишини таъминлаш ҳамда банк устав капитали миқдорини Ўзбекистон Республикасининг “Банклар ва банк фаолияти тўғрисида”ги Қонуни талабларига мувофиқлаштириш бўйича чора-тадбирлар режаси ишлаб чиқилган.

Банк томонидан ишлаб чиқилган мазкур чора-тадбирлар режасига мувофиқ белгиланган тадбирлар ўз вақтида амалга оширилмоқда. Хусусан, жорий йилнинг 22 июнь куни банк акциядорларининг навбатдаги умумий йиғилиши ўтказилиши ва кун тартибидаги асосий масала банк устав капиталини 200 млрд сўмга етказишдир.

Қайд этиш жоизки, банк акциядорлари томонидан жорий йилнинг
31 августига қадар банк ички манбалари ҳамда акциядорларнинг қўшимча маблағлари ҳисобидан банк устав капиталини 200 млрд сўмга етказилишини билдирамиз.